Manifeste affirmant le caractère un et divers de la langue d'Oc

Jean-Frédéric Brun
L'auteur de cette pétition

/ #345 Carto dóu PEN Internaciounau

2012-10-16 20:59

PEN afourtís que:
1. La literaturo coneis ges de counfin e déu demoura uno mounedo coumuno entre li gènt, mau-grat lis auvàri pouliti vo internaciounau.
2. En tóuti li circounstànci, e mai que mai en tèms de guerro, lis obro d'art, lou patrimòni de l'umanita en generau, devon pas èstre touca pèr la passioun naciounalo vo poulitico.
3. Li mèmbre dóu PEN devon en tout tèms utilisa l'influènci qu'an en favour de la bono entendudo e dóu respié mutuau entre li nacioun; s'engajon à faire tout ço que poudran per desfourvia lis asiranço racialo, de classo e naciounalitàri, e pàr apara l'ideau d'uno umanita que viéu en pas dins un mounde unen.
4. PEN aparo lou principi de la transmissioun sèns entravo de la pensado au dintre de chasco nacioun e entremitan touti li nacioun, e si mèmbre s'engajon à s'óupausa a queto formo que siègue de supressioun de la liberta d'espressioun dins lou païs e la coumunita que i' apertenoun, e tambèn dins lou mounde entié tant que se pòu. PEN se declaro pèr uno presso deliéuro e s'óupauso à touto censuro arbitràri en tèms de pas. Crei que l'avançado necessàri dóu mounde de-vèrs un ordre pouliti e ecounoumi mai nautamen ourganisa rènd indispensablo una liéuro critico di gouvèr, administracioun e istitucioun. E pièi que la liberta implico una coustrencho voulountàri, li mèmbre s'engajon à s' óupausa i malafacho d'uno presso liéuro, coume la publicacioun messourguiero, la fausseta e la distoursioun deliberado di fa pèr de près-fa poulitique e persounau.